वो लोग मनाते हैं नये साल की खुशियां
तक़दीर में जिनकी नहीं शब्बीर का मातम
जो ईद समझते हैं मुहर्रम को ऐ "आरिफ़"
महशर में करेंगे वही तक़दीर का मातम।
*********************************
न फ़स्ले गुल अज़ीज़, न शबनम अज़ीज़ है
हमको ग़मे हुसैन का मौसम अज़ीज़ है।
हर इक नफ़स अज़ीज़ है, हरदम अज़ीज़ है
हमको तो बस हुसैन का मातम अज़ीज़ है।
कोई ख़ुशी न ग़म है हमें इस क़दर अज़ीज़
जितना कि हमको माहे मुहर्रम अज़ीज़ है।
बिदअ़त है जिनके वास्ते आरिफ़ ग़मे हुसैन
दरअस्ल उनको नारे जहन्नम अज़ीज़ है।
**************************************
الوہیت کے پرستار مسکرانے لگے
تمام عالمِ انوار مسکرانے لگے
سوائے ذاتِ علی بو تراب کوئی نہیں
کہ جسکے عشق میں دیوار مسکرانے لگے
******************************************
یہ ایسا قرض ہے جسکی ادائیگی کے لئے
ہزار سال ملیں، پھر بھی زندگی کم ہے
رواں ہے چودہ صدی سے غمِ حسین مگر
غمِ حسین منانے کو سو صدی کم ہے
خدا حیات دے ہمکو ابد تلک پھر بھی
مرے حسین ترے در کی نوکری کم ہے
******************************************
کرب و بلا میں ننھے سے اک شیرخوار نے
اپنی ہنسی سے ظلم کو لاچار کر دیا
پاؤں رگڑ کے ریت پہ اصغر نے باخدا
قصرِ یزیدیت کو ہی مسمار کر دیا
******************************************
تیغ کے دم پر وغا کو جیت جانا اور ہے
قوتِ شہ رگ سے باطل کو ہرانا اور ہے
موت کے ڈر سے تو روئے ہیں بہادر بے شمار
موت کو رلوا کے عارف مسکرانا اور ہے
******************************************
صبر اور ایثار کے جوہر دکھانا چاہیے
ظلم کے آگے نہ ہرگز سر جھکانا چاہیے
چھ مہینے کے علی اصغر ہمیں بتلا گئے
ظلم جب حد سے بڑھے تو مسکرانا چاہیے
******************************************
لگا کے حق کا طمانچہ یزید کے رخ پر
شرابیوں کے خدا کا سرور توڑ دیا
علی کی بیٹی نے دربارِ شام میں عارف
امیرِ شام کا سارا غرور توڑ دیا
******************************************
زیرِ شمشیر سرِ خاک سنورتے دیکھا
عشق کی آخری سرحد سے گزرتے دیکھا
موت آتی ہے تو مر جاتا ہے ہر کوئی مگر
کربلا والو پہ خود موت کو مرتے دیکھا
******************************************
جو کام کوئی بھی نہ زمانے میں کر سکا
تنہا وہ کام سیدِ سجاد کر گئے
زنجیر و طوقِ ظلم میں ہونے کے باوجود
قیدِ ستم سے دین کو آزاد کر گئے
******************************************
پشت پر درّوں کی بارش، ظلم ہے حد سے سوا
شکرِ خالق ہے لبوں پر دم بدم سجاد کے
عزمِ عابد کو نہ ہرگز روک پائیں بیڑیاں
شام کو بڑھتے گئے زخمی قدم سجاد کے
******************************************
*خطبہ جب دربار میں بیمار فرمانے لگا*
*دشمنِ دینِ خدا سر تا پا تھرانے لگا*
*برسرِ قصرِ ستم عابد کا ایسا تھا جلال*
*خوف سے خود شام کا حاکم بھی غش کھانے لگا*
******************************************
*چھٹا جس روز سے بابا کا سینہ*
*پھر اُس کے بعد وہ سوئی کہاں ہے؟*
*لگے ہر گام پر رخ پر طمانچے*
*سکینہ باپ کو روئی کہاں ہے؟*
عسکری *عارف*
