منقبت

یا علی مدد

حقانیت   کا  طرزِ بیاں  یا علی مدد
ہے مومنوں کا وردِ زباں یا علی مدد

کٹتی ہے گر زبان تو کٹ جائے غم نہیں
دیتا  رہے  گا  قلب  اذاں  یا علی  مدد

بھاگے جو معرکوں میں محمد کو چھوڑ کر
ہے اُنکے حامیوں کو گراں یا علی مدد

دنیا نہ کر سکے گی مرے حوصلوں کو پست
کرتا ہے میرا عزم جواں یا علی مدد

عشقِ علی ہے آخری منزل یقین کی
ممکن نہیں برائے گماں یا علی مدد

منکر علی کے ہوتے ہیں ملکِ فنا کے لوگ
ہے زندگی جہاں ہے وہاں یا علی مدد

روشن ضمیر کرتے ہیں نادِ علی کا ورد
کہتے ہیں بے ضمیر کہاں یا علی مدد

تاحشر ظلم و جبر و تشدد کے واسطے
*عارف* ہے مثلِ تیغ و سناں یا علی مدد

*عسکری عارف*

منقبت مولا علی علیہ السلام

گزشتہ برس کہا گیا ایک طرحی کلام

ولی آئے وصی آئے ستونِ بندگی آئے
مبارک ہو مبارک ہو زمانے میں علی آئے

مہک اٹھا چمن اسلام کا حیدر کی خوشبو سے
امامت کے گلستاں میں علی بنکر کلی آئے

عطا کرنے فقیروں کو نمازوں میں بھی خیراتیں
درونِ خانہء کعبہ سخی ابنِ سخی آئے

چلے ہیں دوڑتے سردار نبیوں کے سوئے کعبہ
زیارت کرنے وجہ اللہ کی دیکھو نبی آئے

ہے یوں روشن خدا کا گھر علی مولا کی آمد سے
نکل کر چاند کے دامن سے جیسے چاندنی آئے

علی کے اذن پہ سورج پلٹ آتا ہے مغرب سے
یہ وہ ہے جسکی ٹھوکر سے مَرے کو زندگی آئے

یہ بولے دیکھ کر عباس کو صفین میں کفار
چلو بھاگو کہ میداں میں علی آئے علی آئے

پلا ساقی وہ مے جسکا نشہ ہو روح پر طاری
شعور و ذھد و تقویٰ کی دلوں پر مستگی آئے

لگاؤ نعرہء حیدر پتہ چل جایںگے شجرے
وہ ہے عاشق علی کا جس کے چہرے پر خوشی آئے

علی کا چاہنے والا وہ ہرگز ہو نہیں سکتا
اگر کردار سے اُسکے نہ بوئے سادگی آئے

زمانہ کیا بتا پائے گا اُسکی منزلت لوگوں
وہ جسکے ہر عمل پر عرش سے وحیء جلی آئے

اتارا ہے خدا نے عرش سے قرآنِ ناطق کو
*رجب کی تیرہویں شب ہے خدا کے گھر علی آئے*

علی کا ذکر بھی *عارف* عبادت ہے تو لازم ہے
علی کا ذکر کرنے سے گناہوں میں کمی آئے

عسکری عارف

منقبت مولا علی علیہ السلام

دو برس پہلے کہی گئی ایک منقبت

کیوں پوچھتے ہو ہم سے کہ کیا کیا علی سے ہے
دنیا علی سے ہے یہ زمانہ علی سے ہے

بن اسکے دین حق کا تصور فضول ہے
دونوں جہاں میں دین کا چرچا علی سے ہے

دوزخ کی آگ اُسکے مقدر میں ہے لکھی
جو شخص کائنات میں جلتا علی سے

حبِّ علی بغیر دعا میں اثر کہاں
اللہ کی رضا کا وسیلہ علی سے ہے

ہر شے پہ مرتضٰی کی حکومت ہے دوستو
مغرب سے آفتاب بھی پلٹا علی سے ہے

قبضہ ہے اِسکی زات کا موت و حیات پر
مردا تھا جو علی سے، وہ زندہ علی سے ہے

اپنوں کی بات چھوڑ دے، غیروں کی بات کر
دشمن بھی مشکلوں میں سنبھلتا علی سے ہے

مولائے کائنات کی عظمت نہ ہم سے پوچھ
*کعبہ علی سے عرش معلی علی سے ہے*

عشقِ علی میں ڈوب کے خوشیاں منایئے
ماہِ رجب کی آج یہ تیرہ علی سے ہے
عسکری عارف