غزل

کوئی اپنا بھی نہیں کوئی پرایا بھی نہیں
مجمعِ اہلِ جہاں میں میں اکیلا بھی نہیں

چاندنی شب کی نہیں دن کا اجالا بھی نہیں
مجھکو ڈھونڈھو تو سہی اتنا اندھیرا بھی نہیں

رہِ وحشت بھی نہیں آگ کا دریا بھی نہیں
کس طرف جاؤں یہا پر کوئی رستہ بھی نہیں

اُسکی تشہیر ہوئی نام سے میرے لیکن
اُسکے ہونٹو پہ مرے نام کا چرچہ بھی نہیں

وہ ہے ناداں جو اسے کارِ ہوس کہتا ہے
عشق نعمت ہے کوئی کھیل تماشہ بھی نہیں

مٹ گئی زہن سے تصویر مگر دل میں مرے
کون سی جا ہے جہاں تیرا سراپا بھی نہیں؟

میں نے یوں توڑ دیا تیری محبت کا غرور
ہجر کی شب میں تری یاد میں رویا بھی نہیں

جانے کس غم میں گرفتاں ہوں ازل سے عارف
روتا رہتا ہوں کبھی بھول کے ہنستا بھی نہیں

سید محمد عسکری عارف