غزل
چار دن کی ہے چاندنی دنیا
بعد اسکے ہے اک نئی دنیا
قتل و غارت فساد و خوں ریزی
اے خدا کیا ہے یہ تری دنیا؟
میری دنیا الگ ہے دنیا سے
کیا بتاو ہے آپکی دنیا؟
خود غرض اور مطلبی دنیا
کیوں کسی کی نہ ہو سکی دنیا؟
یہ تو جاگیرِ اہلِ ثروت ہے
کب ہوئی ہے غریب کی دنیا؟
ازدھا مثل زہر سے آلود
لگ رہی ہے ہری بھری دنیا
لیکے انداز فاحشہ جیسا
چند پیسوں پہ ناچتی دنیا
امن و انسانیت ہوں جسکے اصول
ہمکو درکار ہے وہی دنیا
Comments
Post a Comment