غزل

ﻇﻠﻢ ﻣﺠﮫ ﭘﺮ ﺷﺪﯾﺪ ﮐﺮ ﺑﯿﭩﮭﮯ
ﭘﮭﺮ ﻭﮦ ﮐﺎﺭِ ﯾﺰﯾﺪ ﮐﺮ ﺑﯿﭩﮭﮯ

ﺑﮯ ﻭﻓﺎﺋﯽ ﺑﮭﯽ ﻭﮦ ﻧﺒﮭﺎ ﺳﮑﮯ
ﮨﻢ ﻭﻓﺎ ﮐﯽ ﺍﻣﯿﺪ ﮐﺮ ﺑﯿﭩﮭﮯ

ﺟﻦ ﭘﮧ ﻣﺮﺗﺎ ﺗﮭﺎ ﻣﯿﮟ ﻭﮦ ﺻﺪ ﺍﻓﺴﻮﺱ
ﻣِﺮﮮ ﻣﺮﻧﮯ ﭘﮧ ﻋﯿﺪ ﮐﺮ ﺑﯿﭩﮭﮯ

ﮐﺲ ﻗﺪﺭ ﺧﻮﺵ ﻧﺼﯿﺐ ﮨﻮﮔﺎ ﻭﮦ ﺟﻮ
ﺗِﺮﯼ ﺧﻮﺍﺑﻮﮞ ﻣﯿﮟ ﺩﯾﺪ ﮐﺮ ﺑﯿﭩﮭﮯ

ﮨﻢ ﺗﮭﮯ ﺧﻮﺷﯿﻮﮞ ﮐﮯ ﺳﻮﺩﺍﮔﺮ ﻟﯿﮑﻦ
ﺩﺭﺩ ﻭ ﻏﻢ ﮐﯽ ﺧﺮﯾﺪ ﮐﺮ ﺑﯿﭩﮭﮯ

ﮐﺎﺵ ﻧﻔﺮﺕ ﮐﮯ ﻟﯿﮉﺭﻭﮞ ﮐﻮ ﮐﻮﺋﯽ
ﺩﻭ ﻃﻤﺎﻧﭽﮯ ﺭﺳﯿﺪ ﮐﺮ ﺑﯿﭩﮭﮯ

ﺍﯾﺴﯽ ﺩﻭﻟﺖ ﮐﺎ ﻓﺎﺋﺪﮦ ﮐﯿﺎ ﮨﮯ
ﺟﻮ ﺧﺪﺍ ﺳﮯ ﺑﻌﯿﺪ ﮐﺮ ﺑﯿﭩﮭﮯ

ﮐﻮﻥ ﺟﺎﻧﮯ ﮐﮧ ﻋﺸﻖ ﻣﯿﮟ ﮐﺘﻨﮯ
ﺍﭘﻨﯽ ﻣﭩﯽ ﭘﻠﯿﺪ ﮐﺮ ﺑﯿﭩﮭﮯ

ﻣﭧ ﮔﺌﯽ ﻗﺪﺭ، ﻣﺮ ﮔﺌﮯ ﺁﺩﺍﺏ
ﮨﻢ ﯾﻮﮞ ﺧﻮﺩ ﮐﻮ ﺟﺪﯾﺪ ﮐﺮ ﺑﯿﭩﮭﮯ

" ﮐﺎﺵ ﯾﮧ ﻣﯿﺮﯼ ﺷﺎﻋﺮﯼ " ﻋﺎﺭﻑ
ﺍﺳﮑﻮ ﻣﯿﺮﺍ ﻣﺮﯾﺪ ﮐﺮ ﺑﯿﭩﮭﮯ

ﻣﺤﻤﺪ ﻋﺴﮑﺮﯼ ﻋﺎﺭﻑ