لاکھ خود کو خدا کرے کوئی
درِ امید وا کرے کوئی
کیوں کسی پر مرا کرے کوئی؟
جان حق پر فدا کرے کوئی
زندگی تو ہے بے وفا لیکن
زندگی سے وفا کرے کوئی
گرچہ قسمت خراب ہو جاے
پھِر بتاو بھی کیا کرے کوئی؟
جشن کوئی مناے دنیا میں
مجلسِ غم بپا کرے کوئی
دیکھ کر میرے حوصلے کا عروج
جل رہا ہے، جلا کرے کوئی
ظلم سہنے کے ہو گئے عادی
آے ہم پر جفا کرے کوئی
میں تو عارف ازل سے ٹھہرا ہوں
اپنی ہستی پتہ کرے کوئی
سید محمد عسکری عارف-
No comments:
Post a Comment