فرازِ نوکِ سناں پر حسین ع. بولتے ہیں
وہ دیکھ برسرِ منبر حسین ع. بولتے ہیں
خلافِ ظلم زمانہ جہاں خموش رہے
قسم خدا کی وہاں پر حسین بولتے ہیں
**************************************
فوجِ عطش کے سامنے لاچار موت ہے
کرب و بلا میں موت سے دو چار موت ہے
دل میں نہیں ہے جس کے محبت حسین ع. کی
بیکار اُسکی زندگی، بیکار موت ہے
**************************************
ہوتا فنائے نارِ جہنم کچھ اِس سے قبل
شعلوں سے بچ کے قطرہ سمندر میں آ گیا
سر کرکے ایک شب میں تذبذب کا معرکہ
حُر ع. صبح کو حسین ع. کے لشکر میں آ گیا
*************************************
تفرقہ قوم میں پھیلانا ہو جسکا مقصد
نامِ شہداء پہ نہ وہ مال کمانے پائے
فرشِ مجلس پہ نہیں غیر کی بندش لیکن
ایرا غیرا کوئی منبر پہ نہ آنے پائے
*************************************
لاکھوں ہوئے دنیا میں ثنا خوانِ تبسم
پھر بھی نہ ہوئی مدحتِ سلطانِ تبسّم
پھر ٹوٹ گئی سطوتِ شاہی سرِ مقتل
جب تیرِ ستم سے لگا پیکانِ تبسّم
*************************************
بتائے کیا کوئی کسکو علی ع. کتنا سمجھ آیا
تھا جتنا ظرف جسکا بس اُسے اُتنا سمجھ آیا
علی ع. سے بغض کہیے یا جہالت شیخ کی 'عارف'
نہ جسکو آج تک لفظِ علی مولا ع. سمجھ آیا
*************************************
خدا لکھّا کوئی تمکو کوئی بندہ علی مولا ع.
لکھا ہر ایک نے جتنا سمجھ آیا علی مولا ع.
نصیری نے کیا حدِّ تفکر سے تجاوز جب
دوانہ ہو گیا تمکو خدا سمجھا علی مولا ع.
*************************************
بتولِ پاک کی مادر خدیجتہ الکبریٰ ص.
نبی کی زوجہء اطہر خ خدیجتہ الکبریٰ ص.
سگانِ کوچہء بطحا کو ریزگاری تری
بنا گئی ہے تونگر خدیجتہ الکبریٰ ص.
No comments:
Post a Comment