غدیر میں

باسمہ سبحانہ تعالٰی

تکمیل پا رہی ہے نبوت غدیر میں

آغاز کر رہی ہے امامت غدیر میں

من کنتُ کہ رہے ہیں نبی حاجیوں کے بیچ

نسلوں کی ہو رہی ہے طہارت غدیر میں

جبریل لے کے آئے ہیں یہ حکمِ کبریا

تبلیغ ہو علی کی ولایت غدیر میں

فطرت سے شیخ جی تو سقیفائی تھے مگر

مولا علی کی کر گئے بیعت غدیر میں

آدم ہیں شاد حضرت خاتم ہیں پُر سرور

صدیوں کی رنگ لائی ہے محنت غدیر میں

حاجی غدیرِ خم میں سوا لاکھ تھے مگر

کچھ نے پڑھی نمازِ مودت غدیر میں

کامل ہوا ہے دین خدا کا اسی لئے

ہوتا ہے جشنِ عیدِ ولایت غدیر میں

دل جل کے راکھ ہو گئے جھوٹھوں کے اس گھڑی

نکلا جب آفتابِ امامت غدیر میں

دو ٹکڑے اک ہی نور کے جب منسلک ہوئے

طاری تھی آفتاب پہ ہیبت غدیر میں

کیونکر نہ ہمکو فخر ہو اپنے نصیب پر

*عارف* ہمیں ملی ہے وہ دولت غدیر

سید محمد عسکری *عارف* اکبر پوری