مسدس مولا علی علیہ السلام

ﻣﺮﺩِ ﻣﯿﺪﺍﻥ ﻋﻠﯽؑ، ﺿﯿﻐﻢ ﯾﺰﺩﺍﻥ علیؑ

ﮐﻞِّ ﺍﯾﻤﺎﻥ ﻋﻠﯽؑ، ﻓﺨﺮِ ﺳﻠﯿﻤﺎﻥؑ ﻋﻠﯽؑ

ﻧﻔﺲِِ ﺭﺣﻤﺎﻥ ﻋﻠﯽؑ، ﺑﻮﻟﺘﺎ ﻗﺮﺁﻥ ﻋﻠﯽؑ

ﺣﻖ ﮐﯽ ﭘﮩﭽﺎﻥ ﻋﻠﯽؑ ﺩﯾﻦ ﮐﺎ ﺳﻠﻄﺎﻥ ﻋﻠﯽؑ

ﮐﻮﺋﯽ ﮨﻤﺴﺮ ﮨﯽ ﻧﮩﯿﮟ ﺟﺴﮑﺎ ﻭﮦ ﺍﻧﺴﺎﮞ ﮨﮯ ﻋﻠﯽؑ

ﺁﺳﻤﺎﻧﻮﮞ ﮐﺎ، ﺯﻣﯿﻨﻮﮞ ﮐﺎ، ﻧﮕﮩﺒﺎﮞ ﮨﮯ ﻋﻠﯽؑ

ﻣﺮﺗﻀﯽٰؑ ﺣﯿﺪﺭِ ﮐﺮﺍﺭؑ، ﻋﻠﻤﺪﺍﺭ ﻋﻠﯽؑ

ﺳﺮ ﭘﮧ ﺍﺳﻼﻡ ﮐﮯ ﺑﺎﻧﺪﮬﯽ ﮔﺌﯽ ﺩﺳﺘﺎﺭ ﻋﻠﯽؑ

ﺷﮧ ﺭﮒِ ﻇﻠﻢ ﭘﮧ چلتی ﮨﻮئی ﺗﻠﻮﺍﺭ ﻋﻠﯽؑ

ﺍﮨﻞِ ﺑﺎﻃﻞ ﮐﮯ ﻟﺌﮯ ﺁﮨﻨﯽ ﺩﯾﻮﺍﺭ ﻋﻠﯽؑ

آج بھی مرحب و عنتر ﮐﮯ ﺑﺪﻥ ﮐﺎﻧﭙﺘﮯ ﮨﯿﮟ

ﻧﺎﻡِ ﺣﯿﺪﺭؑ ﺳﮯ ﻋﺪﻭ ﺯﯾﺮِ ﮐﻔﻦ ﮐﺎﻧﭙﺘﮯ ﮨﯿﮟ

ﺻﺒﺢِ ﺍﺳﻼﻡ ﭘﮧ ﺍﺑﮭﺮﺍ ﮨﻮﺍ ﺧﻮﺭﺷﯿﺪ ﻋﻠﯽؑ

ﻧﻘﻄﮧﺀ ﺑﺎ، ﺑﮭﯽ ﺯﺑﺮ، ﭘﯿﺶ ﺑﮭﯽ ﺗﺸﺪﯾﺪ ﻋﻠﯽؑ

ﺟﻨﮓِ ﺧﯿﺒﺮ ﻣﯿﮟ ﻣﺤﻤﺪؐ ﮐﯽ ﮨﮯ ﺍﻣﯿﺪ ﻋﻠﯽؑ

ﺍﺟﮍﮮ ﻟﻮﮔﻮﮞ ﮐﮯ ﻟﺌﮯ ﺛﺮﻭﺕِ ﺗﺠﺪﯾﺪ ﻋﻠﯽؑ

ﺭﻧﺞ ﻭ ﺁﻻﻡ ﻭ ﻣﺼﺎﺋﺐ ﺳﺒﮭﯽ ﺟﻞ ﺟﺎﺗﮯ ﮨﯿﮟ

ﻟﺐ ﭘﮧ ﺁﺗﮯ ﮨﯽ ﻋﻠﯽؑ، ﭘﻞ ﻣﯿﮟ ﺳﻨﺒﮭﻞ ﺟﺎﺗﮯ ﮨﯿﮟ

ﻣﺠﮭﮑﻮ ﻏﻔﻠﺖ ﮐﮯ ﺳﻤﻨﺪﺭ ﺳﮯ ﻧﮑﺎﻟﻮ ﻣﻮﻻؑ

ﮔﮭِﺮﺗﺎ ﺟﺎﺗﺎ ﮨﻮﮞ ﮔﻨﺎﮨﻮﮞ ﻣﯿﮟ ﺑﭽﺎ ﻟﻮ ﻣﻮﻻؑ

ﺍِﮎ ﻧﻈﺮ ﺑﺤﺮِ ﮐﺮﻡ ﻣﺠﮫ ﭘﮧ ﺑﮭﯽ ﮈﺍﻟﻮ ﻣﻮﻻؑ

ﺳﺮ ﭘﮧ ﭘﮭﺮﺗﯽ ﮨﻮﺋﯽ ﺁﻓﺎﺕ ﮐﻮ ﭨﺎﻟﻮ ﻣﻮﻻؑ

رختِ اعمال ﮔﻨﺎﮨﻮﮞ ﮐﺎ ﺷﺠﺮ ﻟﮕﺘﺎ ﮨﮯ

ﺗﺮﺍ ﻋﺎﺷﻖ ﮨﻮﮞ ﺑﺘﺎﺗﮯ ﮨﻮﺋﮯ ﮈﺭ ﻟﮕﺘﺎ ﮨﮯ

ﻭﺟﮧِ ﺗﺨﻠﯿﻖِ ﺩﻭ ﻋﺎﻟﻢ ﮨﮯ ﺗﺮﯼ ﺫﺍﺕ ﻋﻠﯽؑ

ﺟﻨﺖ ﻭ ﮐﻮﺛﺮ ﻭ ﺯﻣﺰﻡ ﺗﺮﯼ ﺧﯿﺮﺍﺕ ﻋﻠﯽؑ

ﭼﺎﻧﺪ ﺳﻮﺭﺝ ﮨﯿﮟ ﺗِﺮﮮ ﻋﺸﻖ ﮐﯽ ﺳﻮﻏﺎﺕ ﻋﻠﯽؑ

ﭘﺲِ ﭘﺮﺩﮦ ﺷﺐِ ﻣﻌﺮﺍﺝ ﺗﺮﯼ ﺑﺎﺕ ﻋﻠﯽؑ

ﺳﺎﺭﯼ ﺩﻧﯿﺎ ﭘﮧ ﺑﮭﺮﻡ ﺗﮭﺎ ﮐﮧ ﺟﻠﯽ ﺑﻮﻟﺘﺎ ﮨﮯ

ﺗﺮﮮ ﻟﮩﺠﮯ ﻧﮯ ﺑﺘﺎﯾﺎ ﮐﮧ ﻋﻠﯽؑ ﺑﻮﻟﺘﺎ ﮨﮯ

ﭘﯿﮑﺮِ ﻇﻠﻢ ﭘﮧ ﺟﮑﮍﯼ ﮨﻮﺋﯽ ﺯﻧﺠﯿﺮ ﻋﻠﯽؑ

ﮐﮩﯿﮟ ﺯﯾﻨﺐؑ ﮐﮩﯿﮟ ﺍﮐﺒﺮؑ ﮐﮩﯿﮟ ﺷﺒﯿﺮؑ ﻋﻠﯽؑ

ﺗﯿﺮ ﮐﮭﺎﮐﺮ ﺑﮭﯽ ﺟﻮ ﮨﻨﺴﺘﺎ ﺑﮯ ﻭﮦ ﺑﮯ ﺷﯿﺮ ﻋﻠﯽؑ

ﺩﺳﺖِ ﺷﺒﺮؑ ﻧﮯ ﺟﻮ ﻟﮑﮭﯽ ﻭﮨﯽ ﺗﺤﺮﯾﺮ ﻋﻠﯽؑ

ﺭﻭﺡِ ﺍﯾﺜﺎﺭ ﻭ ﻭﻓﺎ، ﺻﺒﺮ ﮐﺎ ﻋﮑﺎﺱ ﻋﻠﯽؑ

ﺩﺷﺖِ ﮐﺮﺑﻞ ﻣﯿﮟ ﻧﻈﺮ ﺁﺗﺎ ﮨﮯ ﻋﺒﺎﺱ ﻋﻠﯽؑ

سارے عالم میں نہیں تری سخاوت کی نظیر

حاکمِ کون و مکاں، تو ہے امیروں کا امیر

چاند سورج کو ضیا دیتی ہے تیری تنویر

جز خدا کون سمجھ سکتا ہے تیری توقیر!

مرضیِ ربِّ دو عالم کا خریدار ہے تو

یا علیؑ مُلکِ خداوند کا سردار ہے تو

شرحِ قرآں ہے علیؑ، حق کا خلاصہ ہے علیؑ

دین و ایمان و شریعت کا اثاثہ ہے علیؑ

بَخدا کاتبِ تقدیرِ زمانہ ہے علیؑ

زندگی اور اجل پر ترا قبضہ ہے علیؑ

اک اشارے سے ہی سورج کو بُلا سکتا ہے

تو تو ٹھوکر سے ہی مُردے کو جِلا سکتا ہے

رذق مخلوق کو دیتا ہے پسینہ تیرا

ہے جدا سارے زمانے سے قرینہ تیرا

علم و حکمت کا سمندر بھی ہے سینہ تیرا

گامزن بحرِ حوادث پہ سفینہ تیرا

اک تِرے نام سے منزل پہ پہنچ جاتی ہے

کشتی منجدھار سے ساحل پہ پہنچ جاتی

نقش افلاک پہ ہیں تیرے کفِ پا مولاؑ

تونے خود طے کیا معراج کا رستہ مولاؑ

تیری حکمت کا بیاں نہجِ بلاغہ مولاؑ

فکرِ انساں سے سوا ہے ترا رتبہ مولاؑ

تِرا ہر امر زمانے سے جدا لگتا ہے

عبد ہوکر بھی نصیری کو خدا لگتا ہے

مجھ سے کیوں کر ہوں تِرے وصف و کمالات بیاں!

میں گنہگار کہاں اور تِری ذات کہاں!

تری اک ضرب دوعالم کی عبادت پہ گراں!

تو ہی مومن کی ہے معراج، دل و جانِ اذاں!

ذکرِ معبود نہیں، کارِ لعیں کرتا ہے

ذکر تیرا جو اذانوں میں نہیں کرتا ہے

کوئی میثمؒ کوئی قنبرؒ کوئی سلمانؒ ہوا

تِری چوکھٹ پہ جو آیا وہ مسلمان ہوا

ترے کردار سے انسان بھی انسان ہوا

تجھ سے جو بھی ہوا غافل وہ پریشان ہوا

اُس کا ہر امر تو بیکار ہے شیطانی ہے

تِرے منکر کا مقدّر ہی پشیمانی ہے

مکہ و مشہد و کاشان و حلب کی تاریخ

تجھ سے تبدیل ہوئی مُلکِ عرب کی تاریخ

فخرِ تاریخ ترے نام و نسب کی تاریخ

ہم نہ بھولیں گے کبھی تیرہ رجب کی تاریخ

گھر کو اللہ کے الفت کا ہنر آیا ہے

تری آمد سے ہی دیوار میں در آیا ہے

دوشِ پیغمبرِ اکرمؑ پہ قدم تیرے ہیں

لوحِ محفوظ پہ اوصاف رقم تیرے ہیں

آدمؑ و یوسفؑ و موسیٰؑ پہ کرم تیرے ہیں

ہم گنہگار بھی کہ دیتے ہیں ہم تیرے ہیں

کلمہ گو ہیں ترے اس بات سے انکار نہیں

ہاں مگر ہم میں کوئی میثمِ تمّارؒ نہیں

علم و حکمت کی عطا کرتا ہے سب کو خیرات

روزِ روشن ہو یا وحشت سے بھری کالی رات

تونے ہر وقت غریبوں کو عطا کی سوغات

تو تو دیتا ہے نمازوں میں فقیروں کو ﺯﮐﻮٰﺓ

کبھی مایوس ترے در سے سوالی نہ گیا

تِری دہلیز سے جبریلؑ بھی خالی نہ گیا

جسکو منظور نہیں تیری خلافت حیدرؑ

اس پہ ہوتی ہی نہیں رب کی عنایت حیدرؑ

واجب العین ہوئی تیری ولایت حیدرؑ

جس نے جھٹلائی کبھی تیری ولایت حیدرؑ

تیر آیا نہ کوئی گرز نہ خنجر آیا

عرش سے اُس پہ ملامات کا پتّھر آیا

فاتحِ خیبر و صفین و نہروان و حنین

شوہرِ بنتِ نبیؐ، جانِ رسول اثقلینؐ

مالکِ جنّت و کوثر ترے بیٹے حسنینؑ

مُلکِ اربابِ وفا کی ترا عباسؑ ہے زین

کوئی ہمدم کوئی ہمسر کوئی جرّار نہیں

ترے عباسؑ سا دنیا میں وفادار نہیں

دشتِ کربل میں تبسّم ترا ہتھیار علیؑ

شام و کوفہ میں ہے تو عابدِؑ بیمار علیؑ

قصرِ باطل میں چلی جب تری تلوار علیؑ

کٹ گیا ظلم کا سر تن سے بہ دستار علیؑ

تیرے جزبوں سے الجھنے کی سزا پائی ہے

ظلم کو اسکے ہی آنگن میں قضا آئی ہے

جسکی مدحت سے ہو محظوظ خدائی ؔعارف

جس نے شادی بھی سرِ عرش رچائی ؔعارف

جو زمانے کی کرے عقدہ کشائی عارفؔ

اُسکی میں کیسے کروں مدح سرائی عارفؔ

اپنے مولاؑ کے بیاں کیسے کمالات کروں

لحن داؤد عطا جب تو کوئی بات کروں

عسکری عارفؔ