Nauha Roke Kehti Thi Maa.n Ali Akbar

 Ho gaye qatl jab ali Akbar 

Umme Laila pachade khati thi

Neend aati nahi thi rato ko

Yaad e Akbar bahot rulati thi

Guzre Manzar bahot rulate the

Ashk Ankho se girte jate the

Noha rehta tha har ghadi lab par

Aye mere naujawa.n ali Akbar

Roke kehti thi maa ali Akbar

Aye mere naujawa.n ali Akbar

Mil gaye saare khwab pani me

Maut ayi tujhe jawani me

Tune khayi sina.n ali Akbar

Mujhko dard o alam ne ghera hai

Meri ankho me bas andhera hai

Hai nazar me dhuwa.n Ali Akbar

Lut gaya dasht me chaman mera

Mar gaya Haye Gul badan Mera

Kaisi ayi khiza.n Ali Akbar

Tere marne ke baad kya jeena

Zaher ashko.n ka hai mujhe peena

Ji na payegi maa.n ali Akbar

Dagh kaise tera uthau mai

Is aziyat se mar na jau mai

Sakht hai imtihan.n Ali Akbar

Kaise Manzar Wo Shah Ne Dekha

Ediya.n Khak Par Ragadta Tha

Jab Tu Khake Sina.n Ali Akbar

Din jab aya Tumari shadi ka

Haye Ghurbat me tumko ayi Qaza

Ab Hai Rone Ko Maa.n Ali Akbar

Tu Nahi Hai To Jaan Jati Hai

Yaad Teri Bahot Satati Hai

Chain Pau.n Kaha.n Ali Akbar

Dasht Me Kya Naseeb Phoot Gaya

Tu Jawani Me Mujhse Choot Gaya

Har Nafas Hai Gira.n Ali Akbar

Jab Jawano Ko Eid Par Dekha

Gham Se 'Aarif' Tadap Gayi Laila

Yad Aya Jawa.n Ali Akabr

Askari 'Aarif'