کون لکھ سکتا ہے توقیرِ امامِ سجاد ع

ولادت امام زین العابدین ابن الحسین علیہ السلام کی مبارک باد پیش کرتا ہوں-

ایک تازہ منقبت کہنے کی کوشش کی ہے

کون  لکھ  سکتا   ہے  توقیرِ  امامِ  سجاد ع

سب ہیں میدانِ عبادت میں غلامِ  سجاد ع

कौन लिख सकता है तौक़ीर ए इमाम ए सज्जाद

सब हैं मैदान ए इबादत में ग़ुलाम ए सज्जाद।

مشورہ  لیتی  ہیں  خود ثانیء  زہرا  اِن  سے

تجھ کو معلوم بھی ہے کیا ہے مقامِ سجاد ع

मशविरा  लेती   हैं  ख़ुद  सानि  ए  ज़हरा इनसे

तुझको मालूम भी है क्या है मक़ाम ए सज्जाद।

زندگی  یوں ہی نہیں  ہوتی تھی مردوں کو عطا

دمِ   عیسی  ع. کو اثر  دیتا   تھا   نامِ  سجاد ع.

ज़िन्दगी यूं  ही नहीं  होती  थी मुर्दों को अ़ता

दमे ईसी को असर देता था नाम ए सज्जाद।

وجہِ  تقویّتِ  محراب  سجود سجاد ع. 

وجہِ   پائندگیِ   دین   قیامِ   سجاد ع.

वजह ए तक़वीय्यत ए मेहराब सुजूद ए सज्जाद

वजह ए पाइन्दगिए दीन क़याम ए सज्जाद।

کب تھی حاکم کو خبر  طوقِ  گلوئے سجاد ع. 

واسطے اُس کے ہی  بن جائے گا  دامِ سجاد ع.

कब थी हाकिम को ख़बर तौक़ ए गुलूए  सज्जाद

वास्ते उसके ही बन जायेगा दाम ए सज्जाद।

کٹ   گئی   نخوتِ   بیعت  سرِ   دربار  ستم

جب چلی لہجہء حیدر میں حسامِ سجاد ع.

कट गयी नख़वत ए बैअ़त सर ए दरबार ए सितम

जब चली लहजए हैदर में हुसाम ए सज्जाद।

مسکرانا  علی  اصغر  ع.  سا   کسے  آتا   ہے

کیسے عارف  ہو  بپا  جشن  بنامِ  سجاد ع.

मुस्कुराना अ़ली  असग़र  सा  किसे  आता है

कैसे आ़रिफ़ हो बपा जश्न बनाम ए सज्जाद।

असकरी आरिफ़ 

عسکری عارف

بھرے ہیں ظلم کے منظر ہزار آنکھوں میں

بھرے ہیں ظلم کے منظر ہزار آنکھوں میں

ہے باقی پھر بھی ترا انتظار  آنکھوں میں

بس اِنکو حوصلہ عجل علی ظہور سے ہے

وگرنہ کیا  ہے  اِن امید وار  آنکھوں  میں

ہے   عنقریب  زوالِ  نظامِ  کفر  و  نفاق

عیاں  ہے  لشکرِ باطل کی ہار آنکھوں میں

میں تمکو دیکھ بھی پاؤں گا یا نہیں مولا

بھرے ہیں حرص و ہوس کے غبار آنکھوں میں

یہ چاندنی مرے دل کو کچوٹتی  ہے بہت

چبھے ہیں تیر سے لیل و نہار آنکھوں میں

خزاں رسیدہ ہے گلشن مری امیدوں کا

جو آپ آئیں تو  آئے بہار  آنکھوں میں

ہے دل میں حسرتِ دیدار تو بہت عارفؔ

مگر  ہے اتنا کہاں اختیار  آنکھوں  میں

نعت ماسوا حضرت عمران ع. نہیں لکھ سکتا

ماسوا حضرتِ  عمران  ع. نہیں لکھ سکتا

نعت تو کوئی بھی انسان نہیں لکھ سکتا

मासिवा हज़रत ए इमरान नहीं लिख सकता

नात तो कोई भी इन्सान नहीं लिख सकता।

مدحِ سرکار  میں  اشعار ہمارے کیا ہیں؟ 

 لاکھ چاہے کوئی قرآن نہیں لکھ سکتا؟

मदह ए  सरकार  में  अशआर हमारे  क्या हैं

लाख चाहे कोई क़ुरआन नहीं लिख सकता। 

وحیِ معبود جو  اُترے تو  کوئی نعت کہے

ورنہ  یوں تو کوئی انسان نہیں  لکھ سکتا

वहि ए  माबूद  जो  उतरे तो कोई नात कहे

वर्ना यूं तो कोई इन्सान नहीं लिख सकता। 

میم کی شرح بھی لکھ پانے سے قاصر ہے قلم

مرے  الفاظ   ہیں  بے  جان  نہیں  لکھ  سکتا

मीम की शरह भी लिख पाने से क़ासिर है क़लम

मेरे अल्फ़ाज़ हैं बेजान नहीं लिख सकता।

بغضِ  حیدر  کا  سبب  ہے  جو  مسلمانِ  جہاں

اُن  کے محسن  کو  مسلمان  نہیں  لکھ  سکتا

बुग़्ज़ ए हैदर  का  सबब है  जो मुसलमान ए जहाँ

उनके मोहसिन को मुसलमान नहीं लिख सकता। 

حدّ   افکار   سے  آگے   ہے  جنوں   کی   منزل

باختہ  ہیں   مرے   اوسان  نہیں  لکھ   سکتا

हद्दे अफ़कार  से  आगे है जुनूँ की मंज़िल

बाख़्ता हैं मिरे औसान नहीं लिख सकता।

عسکری عارف

असकरी आरिफ़

حسین دیتے ہیں

کسی کو  سات  پسر  اور  کسی  کو  بال و پر

سبھی کو حسب ضرورت حسین ع دیتے ہیں

عجب کریم ہیں خنجر تلے بھی قاتل کو

رہِ بقا  کی  ھدایت  حسین ع  دیتے ہیں

ابھی   یزید  کے  لشکر  سے   حر   نہیں  آیا

سو ایک رات کی مہلت حسین ع دیتے ہیں

وہ خواب جسکو کہ تعبیر دے نہ سکے نہ خلیل

اُسے بھی  دیکھو  حقیقت  حسین ع دیتے ہیں

 

بجھے  چراغ   کی  تاریکی  میں  زمانے  کو

شعور و فکر کی دعوت حسین ع دیتے ہیں

مقام فخر  ہے میں  بھی  ہوں  اُنکے  در  کا  فقیر

مجھے بھی بھیک میں عزّت حسین ع دیتے ہیں

انہیں کے فیض سے ہوتی ہے شاعری عارف

مرے خیال کو رفعت حسین دیتے ہیں

نماز و روزہ و حج و زکوۃ ایک طرف

نماز  و  روزہ  و حج  و  زکوٰۃ   ایک  طرف

علی ع  ولی کی ولایت کی بات ایک طرف

غدیر   اور  سقیفہ  میں  کیا  تقابل ہے

حیات ایک طرف اور ممات ایک طرف

ہے اک طرف اسدُاللہ کی صرف اک ضربت

تمام    بندگیء     کائنات    ایک    طرف

نبی ص. کے  بعد  ہوئے  دینِ حق کے دو رستے

میں چل دیا علی ع. مولا کے ساتھ ایک طرف

علی ع.  کا ذکر بھی ہے  واجبات میں 'عارف'

نہ  کوئی  شرک  ہو  یہ  احتیاط   ایک  طرف

عسکری عارف

नमाज़ ओ रोज़ा ओ हज्ज ओ ज़कात एक तरफ़

अ़ली वली  की  विलायत  की  बात  एक तरफ़।

ग़दीर  और   सकीफ़ा   में    क्या   तक़ाबुल   है।

हयात  एक   तरफ़  और   ममात   एक   तरफ़।

है इक तरफ़ असदुल्लह की सिर्फ़ इक ज़रबत

तमाम   बन्दगिए    कायनात    एक    तरफ़।

नबी  के  बाद  हुए  दीने   हक़   के   दो  रस्ते

मैं चल दिया अ़ली मौला के साथ एक तरफ़।

अ़ली का  ज़िक्र भी  है  वाजेबात में 'आरिफ़'

न  कोई  शिर्क  हो  ये एहतियात एक तरफ़।

असकरी आरिफ़

فلک میں کتنے ہیں تارے عدد منقبت مولا علی علیہ السلام

تازہ منقبت

فلک میں  کتنے  ہیں  تارے؟ عدد  نہیں معلوم

مجھے علی ع. کے فضائل کی حد نہیں معلوم

फ़लक में कितने हैं तारे? अदद नहीं मालूम

मुझे अ़ली के फ़ज़ाएल की हद नहीं मालूम।

شراب عشق علی ع. کے نشے میں ڈوبا ہوں

ہے  کس مقام  پہ میری  خرد نہیں معلوم

शराब ए इश्क़  ए  अ़ली  के नशे में डूबा हूँ

है किस मक़ाम पा मेरी ख़िरद नहीं मालूम।

کوئی تو ہے جو کھلاتا ہے ہم فقیروں کو

کہاں سے آتی ہے اپنی رسد نہیں معلوم

कोई तो है जो खिलाता है हम फ़क़ीरों को

कहाँ से आती है अपनी रसद नहीं मालूम।

مجھے تو اِس سے غرض ہے علی ع. کو دیکھوں گا

جو  مجھ  پہ  گزرے  گی  زیرِ   لحد  نہیں  معلوم

मुझे  तो  इससे  ग़रज़  है अ़ली  को  देखूँगा

जो मुझपे गुज़रेगी ज़ेर ए लहद नहीं मालूम।

علی ع. کے نام سے کرتا  ہوں  ابتدائے سخن

کہاں سے آتی ہے مجھ کو مدد نہیں معلوم

अ़ली के नाम से करता हूँ इब्तिदा ए सुख़न

कहाँ से आती है मुझको मदद नहीं मालूम।

علی ع. کی   ذات   سے   ہے  عشق  لازمی  عارف

ہے کیوں کسی کو علی ع. سے حسد نہیں معلوم

अ़ली की  ज़ात से  है  इश्क़  लाज़मी आ़रिफ़

है क्यों किसी को अ़ली से हसद नहीं मालूम।

असकरी आरिफ़

عسکری عارف

مسدس حضرت علی اصغر علیہ السلام

ایک پرانا مسدس شیرخوار کربلا شہزادہء علی اصغر ع. کی  شان میں-

مجھکو پہچانے زمانہ علی اصغؑر ہوں میں

سن ہے چھ ماہ، مگر طاقت سروؑر ہوں میں

جسکی مسکان ہے تلوار وہ لشکر ہوں میں

اپنے دادا سا بہادر ہوں عضنفر ہوں میں

بخدا سنگ زمیں ہیرے جواہر اُگلے

ایڑیاں رگڑوں تو ریتی بھی سمندر اُگلے

یہ شرف مجھکو ملا دادا علیؑ ہے میرا

دونوں عالم کی ہے ملکہ مری دادی زہرؐا

بابا شبیؑر مرا صبر و تحمل کا خدا

بھائی ہیں اکبر ؑو سجاؑد اور عباؑس چچا

لب پہ رہتا ہے فرشتوں کے فسانہ میرا

سب سے افضل ہے زمانے میں گھرانا میرا

یوں تو اصغرؑ ہوں مگر کام بڑا کرتا ہوں

اپنے پیروں پہ شریعت کو کھڑا کرتا ہوں

وقت اگر  دین پہ آیے تو  لڑا  کرتا ہوں

تیر سا سینہء بیعت میں گڑا کرتا ہوں

حرملاؤں کے مرے سامنے دم ٹوٹتے ہیں

خندگی سے مری پیکان ستم ٹوٹتے ہیں

نیزہ و تیر  و تبر  اور یہ  خنجر کیسے

کیسی تلوار بھلا   گرز  یہ پتھر کیسے

حرملہ ابن انس رجس کے پیکر کیسے

دشمنِ دین کے یہ کھوکھلے لشکر کیسے

واسطے اِن کے تو زاری ہے تبسم میرا

لاکھ شمشیروں پہ بھاری ہے تبسم میرا

بے زباں ہوکے بھی انداز بیاں رکھتا ہوں

اپنے جذبات کو دنیا سے نہاں رکھتا ہوں

تشنہ ہوکر بھی سمندر کو رواں رکھتا ہوں

کمسنی میں بھی میں اسرار جواں رکھتا ہوں

دیکھنے میں تو میں چھوٹا سا علی اصغؑر ہوں

ہاں مگر عزم و شجاعت میں علی اکبؑر ہوں

جو کبھی کھل ہی نہیں سکتا وہی راز ہوں میں

ہر زمانے میں خدا والوں کی آواز ہوں میں

میں بھی حیدؑر ہوں، مجاہد بھی ہوں جاں باز ہوں میں

انتہا جسکی نہیں کوئی، وہ پرواز ہوں میں

دیر تک فکرِ مسلسل میں سفر کرتا ہوں

تب کہیں ذہن میں انسان کے گھر کرتا ہوں

یاد تو ہوگا تمہیں کرب و بلا کا منظر

قتل جب ہو گیے شبیرؑ کے سارے یاور

اپنی آغوش میں پھر لائے تھے مجھکو سرورؑ

پھیر کے خشک زباں اُس گھڑی اپنے لب پر

ظلم کو اُسکی ہی اوقات بتائی میں نے

جیت لی ایک ہی حملے میں لڑائی میں نے

اپنے حالات سے ہارے ہو تو پھر آ جاؤ

رنج و آلام کے مارے ہو تو پھر آ جاؤ

ڈھونڈتے تم جو سہارے ہو تو پھر آ جاؤ

گر حقیقت میں ہمارے ہو تو پھر آ جاؤ

قربت اللہ سے دیتا ہے وسیلہ میرا

نیک حاجات کو پُر کرتا ہے جھولا میرا

خوف ہے جسکا لعیں پر وہ لہو میرا ہے

جو ہے سرورؑ کی جبیں پر وہ لہو میرا ہے

جسکا احسان ہے دیں پر وہ لہو میرا ہے

ابر برسائے زمیں پر وہ لہو میرا ہے

آب ہوتا نہ زمیں پر کوئی دانہ ہوتا

خونِ ناحق جو میرا شاہؑ نے پھینکا ہوتا

تو بھی بن جا مری دہلیز کا نوکر عارف

تجھکو مل جائیں گے ادراک کے گوہر عارف

تو بھی ہو جائے گا اک روز سخنور عارف

چوم تو جھولا مرا ہاتھ بڑھا کر عارف

تری   پہچان  کو  آباد  رکھے  گی دنیا

فیض سے مرے تجھے یاد رکھے گی دنیا

عسکری عارف